Tölvunörrar

Má ég leita til ykkar eftir ráðgjöf?

Ef svo er, vitið þið hvort það sé lítið mál að koma með laptop hingað frá Japan og setja upp á svoleiðis vél Win XP og allt þetta helsta drasl eins og office pakka, vírusvörn og whatever?

Eru þessir lappar í grunninn ekki allt sama draslið, þ.e. innvolsið í þessu (á t.d. þráðlaus netkort ekki að virka hérna alveg eins og þarna fyrir austan?).

Einnig varðandi rafhlöðurnar í þessum græjum. Ég hef heyrt marga segja að Sony vélarnar séu með bestu rafhlöðurnar, en núna þykist EJS vera með Dell vélar (inspiron og latitude) sem eiga að endast jafnvel 4 tíma. Any comments?

Gjaldmiðill?

Mér finnst það furðu sæta, að stjórnmálamenn með alla þessa fræðinga á bakvið sig, að þeir geti ekki komið með skilaboð til fólksins, hvernig við erum stödd gagnvart því að taka upp evru eður ei.
Maður er alltaf að heyra daglega þennan vera tala um að við ættum að taka upp evru, svo annan daginn kemur næsti og segir að það sé engin lausn, og krónan sé okkur mjög hagstæð.
Ég spyr því, er þetta svo flókið að enginn getur komið með endanlega niðurstöðu í þessu máli? Eða er verið að draga málið og vinna tíma?
Sumir segja að þegar að því kemur að við þurfum að taka afstöðu og eitthvað verði gert, þá sé hætta á að gengisfelling krónunar geti náð 40%. Það ætti þá aldrei að liggja fyrir blessaðri þjóðinni að ganga í gegnum aðra eignaupptöku og við gengu í gegnum 81 með fellingu núllanna.
Þetta kalla ég léleg skilaboð stjórnarmanna.
Ingibjörg talaði skýrt um, að taka upp evru, en hvað segir hún núna? Ég hef ekkert heyrt frá henni síðan hún fékk titilinn utanríkisráðherra um hennar skýru afstöðu í þessu máli.

Hættur í heiminum

Oft má lesa stóryrtar og magnþrungnar greinar um hvernig trúin er notuð til að heilaþvo, stjórna og misnota saklaust fólk .
langar hér að benda á aðra leið, sem virðist vera all svæsnari og hræðilegri en nokkur trúarbrögð .

Það er sjónvarpsþáttagerð sem hefur það að markmiði, að koma ýmis konar ranghugmyndum inn hjá fólki um aðra þjóðfélagshópa .
Sennilega hefur þetta verið leikið áður, en samt sem áður nota menn þessa leið aftur og aftur .

Sennilega er álit á kristni og fleiri trúarbrögðum undir því komið í framtíðinni, hvernig mönnum gengur að dreifa sannfærandi lygaboðskap víðs vegar um heiminn, með leiknum og fölsuðum sjónvarpsþáttum .

Hér á Íslandi er aðferðin sú, að sýna sem minnst gott um kristni í hefðbundum fjölmiðlum, svo henni vaxi nú ekki fiskur um hrygg og fólk fari að læknast af ólæknandi sjúkdómum, og fá andlegt heilbrigði sitt aftur .

http://video.google.com/videoplay?docid=-4561090291581225744

sjokk

ég var að lesa eina umræðugrein hérna, og fékk pínulítið sjokk - þetta stendur í greininni:

Mergurinn málsins er að skv. mannréttindum á fólk að mega gera grín að hópum, gagnrýna þá eða vega að þeim á annan hátt, þó að einstaklingar séu varðir af lögum. En nú bregður svo við að í lög á að setja ákvæði sem dregur úr þessum réttindum hér á Íslandi. Í frumvarpi um breytingar á jafnréttislögum stendur til að banna auglýsingar (29. gr), hvort sem er í fjölmiðlum eða annars staðar á opinberum vettvangi, sem kunna að vera „öðru kyninu til minnkunar, lítilsvirðingar eða stríði gegn jafnri stöðu og jafnrétti kynjanna á nokkurn hátt".

http://www.visir.is/article/20071107/SKODANIR/111070074/1222
.............................................................

svo heldur hann áfram og talar um að það ætti að vernda aðra hópa líka einsog t.d múslima, svertingja, víkinga osfrv. Sniðugt að draga víkingana inní þetta, en það hef ég einmitt gert þegar ég hef rifist um það hvort að gyðingahatrið í ýmsum gömlum kveðskap sé yfirleitt mikið verra en sú ímynd sem víkingarnir (forfeður okkar) hafa fengið á sig í dægurmenningu vorra tíma. En málið er að ef það verður farið útí að ritskoða auglýsingar þá mun ég í fyrsta lagi aldrei kalla mig femínista framar, heldur bara verða miður mín af skömm, og í öðru lagi mun ég vonast til þess að aðrir hópar sem telja sig verða fyrir einhverju skammarlegu berjist fyrir því að vera hafðir með í skilgreiningunni. Þarmeð væri hægt að banna Passíusálmana (sem ég elska en þeir mála jú gyðinga í ljótum litum) og margt margt fleira, t.d þjóðsögur þarsem svertingjar eru látnir vera óð skyniskroppin villidýr. Svona í alvöru talað, ef við ætlum útá þessa braut ætti frekar að byrja á því að banna eitthvað svoleiðis, frekar en auglýsingar sem halla að einhverju leiti á konur (hef ekki orðið vör við þannig auglýsingar) en löggjafinn okkar er svo vangefinn!