Lögregla í byssuleik ???

Móðursjúk kona í Kópavogi heyrir Kínverja springa einhver staðar í nágrenni sínu og hringir í lögregluna og segir þeim að hryðjuverkamenn eða byssubófar leiki lausum hala við húsið hennar og hún óttist um líf sitt.
Lögreglan í sveitarþorpinu Reykjavík bregst við eins og lögreglan í Bagdad bregst við þegar sprenging glymur við þar á bæ. Hún sendir vopnaða víkingasveit á staðinn með bannvænar byssur á lofti.

Víkingasveitin stoppar bíl með fjórum ungum piltum sem aldrei hafa komist í kast við lögin og dregur þá út úr bílnum með skotklárar banvænar hríðskotabyssur miðað á höfuð þeirra og bögglar þeim svo í götuna með herópi miklu????

Ég meina,hvað er í gangi hjá lögreglunni í Reykjavík. Er ekki allt í lagi heima hjá þeim ?

Eru það svona vinnubrögð það sem almenningur á Íslandi má eiga von á frá lögreglunni þegar hann ferðast í sínu sakleysi um götur og vegi Íslands .

10 - 11 ára strákar að leika sér með púðurkerlingar og Kínverja eins og smástrákar hafa gert eins lengi og elstu menn muna eru nóg tilefni til að lögreglan rekur skotklárar byssur í andlitið á fólki sem á leið hjá af tilviljun.

Er það svona lögregla sem íslendingar vilja ? Vilja íslendingar breyta íslenska lýðveldinu í lögregluríki og ef svo er þarf þá ekki að kjósa um það fyrst ?